Makrobiotikaren edertasuna

Makrobiotika ederra da. Edera da zabala delako, anitza eta mugarik gabekoa. Mugak ez izatea garrantzitsua da, honek gure buruarekin eta beste pertsonekin hartu emanak izateko aukera ematen bait digu. Makrobiotika ederra da perfektoa ez delako, hutsuneak ditu bai, gu geu bezala, baina hau aldi berean aberatsa da. Aberatsa aldatzeko, egokitzeko eta hazteko aukera ematen digulako. Honetarako oso garrantzitsua da ezeren eta inoren inguruan dogmarik ez egitea. Beharrezkoa da Non Credo-a aplikatzea eta bakoitzak gauzak bizitzea eta bere errealitatera egokitzea.
Makrobiotika ederra da aske eta zoriontsu izaten laguntzen digulako. Baina ez ahaztu makrobiotika gu geu garela eta ez norbaitek idatzitako idei batzuk. Hauek makrobiotika ulertzen eta gure makrobiotika garatzen laguntzeko ideaiak dira, besterik ez, horregatik ez dugu hauen dogmarik egin behar, bakoitzaren makrobiotika desberdina delako. Irekiak eta malguak izan behar dugu eta beti prest egon behar gara aldaketarako naiz eta honek batzuetan gure oinarrizko ideiekin talka egin.
Niretzako hau da makrobiotika, hau eta askoz gehiago.

Eskerrak

Beno, azkenean Varatojotarrak etxean izan genituen eta badirudi denak gustora geratu ginela. Talde handia baina jatorra bildu zen. Ni oso harro egon nintzen jendeaz. Ixilik, entzuten, galderak egiten eta zentratuta ( eta hau ez da erraza, benetan ). Gainera giro polita suertatu zela iruditzen zait. Ni, antolatzaile gisa oso gustora nago emaitzaz, hala ere, barktu guztioi eskeini behar nizuen denbora ez eskeintzeagatik baina, beno, ahal genuen guztia egin genuen. Ziur egon varatojo gurean berriz izango dela eta agian iraila urria aldera hemen izango dugu berriro, hauen inguruko ikastaroen berri blog honetan izango duzue.
Bestalde gu geu lanean segi behar dugu. Gure Euskal herri honetan izugarrizko potentziala dago eta etekina atera behar dugu. Gure partetik udako kanpaldia izango da gertukoen dugun erronka. Honen inguruko informazioa ere laster izango duzue blog honetan edo beste lekuetan.
Beno, besterik gabe laster arte eta mila esker.

Egoitz